Карпатські русины – словянськый народ у Центральнуй Європі, котрый, як и другі народы, має свою символіку. Кроме основных елементув символікы, як прапор, герб и гімн, наша култура богата символами, што одражат нашу історію, традиції и скапчаность из руднов земльов. Основні символы карпатськых русинув – їх прапор, герб и гімн.
Русинськый прапор – єден из символув русинув, утвердженый 23. Юнія 2007. року на 9. Світовум русинському конгресі у Сиготі (Румунія).
Полотно розділеноє на сині, білі и червині полосы у соотношеню 2:1:1. У центрі прапора розполагає ся русинськый герб. Герб составлят половину высоты прапора. Соотношеня бокув прапора – 2:3
Резолюції СКР дає вызначеня окремих народних фарб:
Синя фарба – є фарба глубокого неба, перспективне зображіня панорамы карпатьскых гор, сподіваня ся на ліпшу будучность, фарба розважности, свіжости духа і тіла, безконечной робутности.
Біла фарба – є традична міролюбность, погостинность, доброжычливость, толерантность, супокуй, морална і фізічна чистота, высока култура і природньый паціфізм Русинув.
Червена фарба – асоціація вшиткого живого, красного, естетичный ідеал Русинув, сімбол актівізації, прояв здоровля чоловіка.
В 2007 році Народная Рада русинов Закарпатя представила сесь прапор у обласну раду, як прапор Закарпатськой области.
Окрем офіційного прапора, русинські общины дакотрых краин хоснувут свої «реґіональні прапоры, котрі їх організації коректувут, добавлявут дакотрі фіґуры авадь мінявут кольоры прапора. Такі прапоры хоснувут русины, што жиют у Сирбії, Хорватії и Польщи. Русины у Пудкарпатю (Україні) в другых краинах хоснувут прапор, принятый на Світовум русинськум конґресови. Русинськый герб утвердженый 2007. році Світовым русинськым конгресом у Сиготі.
Герб має подобу французького щита. На лівуй половині – 3 золоті смугы на світлосинуй основі, а в правуй половині – червенуй фарбі – фіґура карпатського мидвідя из одкрытым пыском, што стоит на двох лабах на заднюм срібернум плані. Мидвідь символізує Карпаты, три золоті смугы – три рікы Уж, Латорицю тай Тису.
За первой Чехословацькой республікы быв гербом Подкарпатськой Руси, ныні є гербом карпатських русинув у цілум світови. Также нись є и офіційным знаком Закарпатской области Україны.
У 2023 році, на XVII. Світовум конґресови Русинув быв схваленый великый герб Карпатськых Русинів.
Мидвідь і вовк стоят на буковых вітках, держачи малый герб, а пуд ними пантлик із гаслом “Я РУСИНЪ БЫЛЪ, ЕСМЬ, И БУДУ” верша А. Духновича.
Гімном Карпатськых русинув усього світа є верш Александра Духновича «Я русин был єсьм и буду». Гімн русинув Подкарпатя – «Подкарпатские русины оставте глубокый сон», стих котрый приписуют Александру Духновичу. Мелодію на гімн написав композитор Стефан Фенцик.
Подкарпатскіи Русины
оставьте глубокій сон!
Народный голос зовет вас:
Не забудьте о своем!
Наш народ любимый
да будет свободный,
От него да отдалится
непріятелей буря,
Да согрѣет справедливость
уж и русское племя!
Желаніе русских вождь,
Русскій да живет народ!
Всѣ просим Всевышняго,
Да подержит русскаго,
и даст вѣка лучшаго!
Из 1920 року до анексії території Пудкарпатя у состав Радянського Сюза, гімн «Подкарпатские русины» быв гімном Пудкарпатськой Руси (Чехословакія), а пак Пудкарпатськой Теритторії (Мадярщина).
22 децембра 2009 года Закарпатська обласна рада по представленю депутата Євгена Жупана (головы Народной Рады Русинов Закарпатя) утвердила гімном Закарпатськой области стих «Подкарпатские русины…». Но на даный час гімн фактично не є утвердженый.