Сплячі русины – тото ґрупа карпатськых русинув, котрі ся держат народных звыкув, каждоденно хоснуют рудну бисіду, айбо через ряд причин ищи не прияли русинську індентичность и не рахуют ся карпатськыма русинами.

Сплячі русины розуміют свою унікалность и одміность од другых словянськых народув у културнум, реліґійнум, языковум и другых напрямах. Сися ґрупа, ги правило,  кличе ся “закарпатцями”, а свою бисіду – “закарпатська мова”, “по-нашому”.

Сяка позиція появила ся через уплыв усякых історичных, соціокултурных тай політичных факторув, як фурташна політика “вымазованя русинув”, “декады мовчаня” при Радянськум Союзі тай типирішні аґресивні пробы асиміляції, што мали тай мавут уплыв на формованя індентичности карпатськых русинув Пудкарпатя.