Русинськость — квінтесенція признакув, што скапчуют карпаторусинськый наруд уєдно. Челядник, што хоче чути русинськость у своюм житю, усвідомлено, автентичным способом уміщат його признакы в собі и своюм околищу. Сесе мож досягнути через нові соціалні контакты, активізм, учіня русинськых языкув, історії, а говорячи за діаспору, через вертаня на утцюзнину.

Майпопуларный приклад хоснованя сього понятя в русинськуй културі — відео «Embrace the Real to Find Rusynness» («Убери заправдішньоє и найди русинськость»), опубликованоє 21. децембра 2022 на каналі LemkoWithHistory.